E lo coms cant o au lor ne ret grans merces.
Donc a faitz sos sagels e als pertot trames
A trastotz sos amics la sus en Albiges,
E de sai en Bearn e al comte Cumenges,
E al comte de Fois e lai en Carcasses,
E an Savaric pregua que d’aiso li valgues,
Aicel de Malleo, e el lh’o a promes
Qu’el l’en ajudara, cui que plaira o pas,
De talent e de cor.
A l’intrar de caresma, cant baicha la freidor
E comensa a venir lo dous temps de Pascor,
Si movon li crozat e li ostejador,
Que somonitz los an nostre prezicador.
L’avesque de Tholosa, cui Dami-Dieus honor !
En an dedins la vila receubut per senhor
A gran procecio com un emperador.
Del devet los absols, si qu’ieu cugé laor
Que aguessan patz faita per totz temps de bon cor ;
Mas pois vi ques mescleron per mot granda iror.
- ↑ — 1431. Ms. L’avesques. — Il n’y a rien dans la réd. en pr. qui corresponde aux v. 1431-6. — 1433. procecio, ms. profecio ; cf. ci-dessus, v. 929 et ci-après, v. 1581.
— 1418. Tout ce passage, depuis le v. 1408, est très-développé et accentué dans la réd. en pr. ; ainsi : Et adonc, quand lodit apontamen an ausit, cascun d’els aldit comte Raimon a dit et declarat que plus leu qu’els fassen aquo, que lors enfants menjarian (cf. ci-dessus la note du v. 396) ; et si lodit legat venia, que n’era questieu que de se defendre et gardar ; dont lodit comte Raimon, quand a ausit lor voler, es estat ben joyos, et lor n’a saubut un tresque grand grat (p. 31). — 1421. Réd. en pr. : ... son vengut a son mandamen et ajuda los Bascas et los de Bearn et de Cumenge (p. 32).
