Cavalgan sobre lor coma trop ome fan,
E si prendian del lor, ja non o defendran.
Pel lau del rei de Fransa de trastot passaran ;
El coms que pas la mar la vas lo flum Jordan,
E que estia lai tant co li monge voldran
Ol cardenal de Roma o cel qu’eli metran ;
E pois ques meta en orde el Temple o a S. Joan.
E cant o aura fait sos castels li rendran ;
E si aiso no fai de tot lo cassaran,
Que nolh remandra res.
Li ome de la terra, cavaler e borzes,
Cant auziron la carta que legida lor es
Dizon que mais voldrian estre tuit mort o pres
Qu’eli aiso sufrisan ni o fessan per res :
Doncs serian tuit sers o vila o pages.
Li borzes de Moichac e sels de Agenes
Dizon c’ans fugirian per l’aiga en Bordales
Que sian lor senhor ni Barrau ni Franses,
O s’en iran estar, si lo coms o volgues,
Ab lui en autra terra on que a lui plagues.
- ↑ — 1408. Ms. Li cavaler ; fragm. Li cavaler de la t. li home el. — 1410. Fragm. tut esser m. — 1412. Corr. Dont ?
— 1398. Fragm. come prob home f. La réd. en pr. semble avoir lu à la fin du vers efan, d’où tant petit que grand (p. 31). — 1399. Fragm. E prendiran ... nols o d. — 1400. Fragm. Per lau... del t. — 1401. Fragm. El c. passa ; ms. vas flum ; fragm. ves lo fom. — 1402. Fragm. E que estra l. t. col m. — 1403. Fragm. Ols cardenals d. R. o cels qu’els. — 1404. Fragm. al T. a S. J. — 1405. Fragm. C. aiso auro f. — 1406. Fragm. del plus lo c. — 1407. Fragm. E n. remandro.
