« Ja lo dreitz de la Gleiza no sera contendutz :
« Pos lo coms ab la Gleiza s’era dezavengutz
« Glieiza fassa ques volha dels seus encorregutz. »
Mas l’arsevesques d’Augs li es tost respondutz :
« Per Dieu, bel senher reis, si dreitz es conogutz,
« Lo coms ni sa mainada non er mortz ni perdutz,
« Qu’el non es pas eretges ni fals ni descrezutz,
« Ans a la crotz seguida els seus dregs mantengutz.
« Sitot s’es vas la Gleiza malament captengutz,
« Car el non es eretges ni de la fe tengutz,
« Glieiza deu be recebre los pecadors vencutz
« Que l’esperitz nos perda ni sia cofondutz.
« En Folcautz a Tholoza es pres e retengutz,
« E si lo coms se dampna n’Folcautz sera pendutz.
— Bel senher n’arsevesques, vos ne seretz crezutz, »
Ditz Wlmes de Rocas, « quel coms non er destruitz,
« Ans er n’Folcautz pel comte lhivratz e rezemutz. »
En aquesta maneira es lo coms remazutz
Ab .IIII. baros d’autres, e leval critz el brutz,
E corron vas la vila ab los trencans agutz
E comensal martiris el chaplamens temutz,
Quels baros e las donas e los efans menutz
Els homes e las femnas totz despulhatz e nutz
Detrencan e detalhan am los brans esmolutz,
E la carns e lo sancs e los cervels els brutz
E membres e personas maitadatz e fendutz
E fetges e coradas decebratz e romputz
Estan per meg las plassas co si eran plogutz ;
Car de lo sanc espars qui lai s’es espandutz
— 9293. La réd. en pr. n’a pas compris de quel comte il s’agissait : « ben vos premeti ieu et vos jure que lo comte jove et sas gens no sont point d’iretges... » (p. 109).
