Page:La Chanson de la croisade contre les Albigeois, 1875, tome 1.djvu/375

[1219]

363

croisade contre les albigeois.

9010« Qu’en Folcautz, en Alas, en Ugues de Lasses,
(p. 225)« En Sicartz de Montaut ab lor de cest paes
« Per nos autres combatre par ques sian empres,
« Ez anc no vi batalha que tant fort me plagues,
« Quez anc pos portei armas no m’albir ni nom pes
9015« Vis tant bona mainada cum cesta c’ab nos es ;
« Que segon mon vejaire, si la batalha es,
« Hoi perdran lor valensa orgolhs e mala fes. »
So ditz Roger Br. qu’es complitz de totz bes :
« Senhors franc cavalier, hoi parra qui pros es.
9020« Trastotz lo cors m’esclaira car vei ques aissi es
« La flors d’aquesta terra e de tot Carcasses. »
El coms se pres a riire e a dig que cortes :
« Si Dieus mi sal ma dona el castel Narbones
« No virarai ma senha trols aia mortz o pres.
9025« Si i era tota Fransa e tug li Montfortes,
« Tug auran la batalha tro l’us sia conques. »
Ez en apres escrida aisi que l’an entes :
« Cavaliers ! a las armas dementre que locs es,
« E fassam o de guiza que no siam repres !
9030« Que, per santa Maria on Jhesu Crist se mes,
« Si nos volon atendre, o lor plassa o lor pes,
« Hoi auran la batalha.

CCXI.^[1]

« Hoi auran la batalha veramen, si Dieu platz,
« Ez a la departida veirem cals tendrals datz ;
9035« Quels nostres ennemics vezem si aprosmatz
« Que lor podem car vendre las nostras heretatz ;

— 9014. pos, ms. por.

1. — 9033. Hoi, ms. Tot.