Dels homes de la vila fo faitz l’escantimens.
Li Frances s’en partiro, mas laichero i pens
Mans mortz e mans perdutz, e lor coms que n’es mens ;
Mas lo cors ne porteron en loc d’autres prezens
Tot dreit a Carcassona.
Tot dreit a Carcassona l’en portan sebelhir
El moster S. Nazari celebrar et ufrir,
E ditz el epictafi, cel quil sab ben legir :
Qu’el es sans ez es martirs, e que deu resperir,
E dins el gaug mirable heretar e florir,
E portar la corona e el regne sezir ;
Ez ieu ai auzit dire c’aisis deu avenir :
Si per homes aucirre ni per sanc espandir,
Ni per esperitz perdre ni per mortz cosentir,
E per mals cosselhs creire, e per focs abrandir,
E per baros destruire, e per Paratge aunir,
E per las terras toldre, e per orgolh suffrir,
E per los mals escendre, e pel[s] bes escantir,
E per donas aucirre e per efans delir,
Pot hom en aquest segle Jhesu Crist comquerir,
El deu portar corona e el cel resplandir !
E lo filhs de la Verge que fals dreitz abelir
E dec carn e sanc digna per orgolh destruzir,
Gart razo e dreitura li cal devon perir,
- ↑ — 8684. Ms. cebelhir.
tamben aldit castel Narbones (p. 104). — 8676. escantimens, correction de Fauriel, ms. escarnimens. — 8677. Réd. en pr. mais el a laissat bon gatge avant que s’en sian anats (p. 105). — 8678. e lor coms, corr. el comte ?
