E demandar los metges e cercar los enguens,
E cridar Dieus ajuda ! per las plagas cozens.
Pueih esteron motz dias aissi paziblamens
Que negus enves l’autre nos combat ni nos vens.
E poih nos tarza gaire qu’es faitz lo mandamens
Quel cardenals de Roma e l’avesques prezens
E las autras personas estan celadamens.
Mas Guis de Montfort parla e dit privadamens :
« Senhors haros, est setis nons es mas dampnamens,
« E nom platz ni m’agrada oimais est salvamens,
« Car nos perdem los corses els cavals els parens,
« E mas es mortz mos fraire quels tenia temens,
« Si nons partem del seti falhir nos i a sens.
— Senhors, » ditz n’Amaldrics, « prenda vos cauzimens
« De mi c’avetz fait comte aras novelamens.
« E s’ieu me part del seti aisi aonidamens,
« Mens ne valdra la Glieiza ez ieu serai niens ;
« E diiran per las terras qu’ieu soi vins recrezens,
« E que la mortz del paire m’es ichida de mens.
— N’Amaldric, » ditz n’Alas, « araus falh esciens,
— 8634. Ms. Pueilh. — 8651. Développé dans la réd. en pr. : « Senhor comte, vos veses ben que nos no fasen que perdre de jorn en jorn de nostras gens et nostres bes ; car si ieu vesia bonamen que nos poguessan tene lodit sety, plus contens serian nos tots de lo tenir que non pas de lo levar ny nos anar ; car coma vos podes ben veser, nos sen ayssi al vent et a la pleja, et nostres enemics son en la vila al couvert repaire, et an pro pa, vi, carn, et autras causas necessarias a lor beson ; d’autra part que tots les jorns lor ve secors d’una part o d’autra. Et per ainsi a my me sembla que per aras no saran de bon conquerir ny aver ; per que ieu soy d’opinion que nos leven lodit sety, ainsi que per lo comte Guy es estat dict, et aysso jusquas que lo printems et novel sia vengut » (p. 104).
