Page:La Chanson de la croisade contre les Albigeois, 1875, tome 1.djvu/359

[1218]

347

croisade contre les albigeois.

Pero ilh dins trobero garnitz e combatens
8575Los baros de lafora e Frances atendens.
D’entr’ambas las partidas es bastitz lo contens :
De lansas e d’espazas e de talhans brandens,
E de dartz e de peiras e de cairos batens
Se feron es combaton de lans e mantenens ;
8580E cairels e sagetas van si espessamens
Coma ploja primeta can cai menudamens.
A Montoliu lafora es lo perilhamens,
El trebalhs e la guerra e lo chaples tenens ;
E lo fums e la flama e la polvera el vens,
8585Per totas las batalhas intran mescladamens.
E laforas el seti es faitz l’acordamens
Que li baro s’armeron tuit essems engalmens
De bonas armaduras, e los cavals correns,
E intran en la plassa menassans e punhens ;
8590Ez escridan lor senhas e Montfort ! ichamens ;
Saisunha ! e Bretanha ! i cridon autamens.
E de lor de la vila es tals l’afortimens
Quels abelig la guerra e lor creish ardimens ;
Que negus no s’i crotla, ans estan duramens,
8595E gardan e atendo e esperan sufrens
Los rencs e las batalhas acorrens e vinens ;
E escridan : « Tholosa ! que restaura e vens,
« E Cumenge ! pel comte, car es pros e valens,
« E Casnac ! e Creishel ! e Vilamur ! firens,
8600« Car la sua senheira lor es sus en las dens ! »
(p. 215)Mas la clartat dels elmes e l’aurs fis e l’argens
E lo blans el vermelhs e la colors el tems,

— 8575. e, corr. els ? — 8596. acorrens, corr. de Fauriel, ms. acordans.