Page:La Chanson de la croisade contre les Albigeois, 1875, tome 1.djvu/350

338

[1218]

croisade contre les albigeois.

8340Fe bastir las escalas e bastir los semdiers,
E bocals e passatges e camis traversers.
E can foro essems es aitals l’acordiers
Dels baros de la vila e de los capdaliers
Que de la gata prendre sian cominalers.
8345En Br. de Casnac qu’es bos e bels parlers
Lor mostra els esenha e ditz escienters :
« Baros, vos de Tholosa, veus vostre frontaliers
« Queus an mortz filhs e fraires e datz mans cossiriers ;
« E sils podet[z] aucirre er vostrel milhorers.
8350« Yeu conosc las costumas dels Frances bobanciers :
« Qu’ilh an garnitz los corses finament a dobliers,
« E dejos en las cambas non an mas los cauciers.
« E sils datz a las garras nils firetz soendiers,
« Al partir de la coita i remandral carniers. »
8355(p. 209)Ez el li responderon : « Ben er datz est loguers. »
Ez a dit l’us a l’autre : « Avem pro companhiers ? »
So ditz n’Ucs de la Mota : « Aisi n’a a sobriers,
« Mas als colps dar e pendre er lo comtes entiers. »
Ez ab aitant salhiro fora pels escaliers,
8360Ez intron en las plassas e perprendols terriers,
Ez escridon : « Tholoza ! er alumpnal braziers.
« A la mor[t] ! a la mort ! qu’esser no pot estiers ! »
E de lai los recebo Frances e Berriviers :
« Montfort ! Montfort ! » escridan, « ar seretz mensongiers ! »
8365E lai on s’encontreron es lo chaples pleniers :
Dels brans e de las lansas e dels trencans aciers
Se feron es combaton els elmes de Baiviers.
Mas n’Arnautz de Lomanha lor ditz dos reproers :

— 8340. e bastir, corr. establir ? — 8349. aucirre, ms. aucerre.