« Que re no vos pot toldre c’ab ela nous n’intretz.
— Senhor, » dit Rog. Br., « no vos en esmaietz,
« Que ja nulh temps per gata la vila no perdretz ;
« E si aissi la menan aissi la destruiretz,
« Car entre nos e lor er aitals lo chapletz
« Dels brans e de las massas, e dels talans ferret[z]
« [Qu]e de sanc ab cervelas ne farem gans als detz. »
Ditz n’Br. de Casnac : « Senhors, aissi faretz,
« De re c’ara veiatz temensa nous donetz :
« Vec vos que ve la gata el castells el careitz :
« On mais la menaran on mielhs la lor tolretz ;
« E si ve a la lissa lor e la gata ardretz. »
Ditz n’Estotz de Linars : « Senhors, d’aisom creiretz,
« E si m’en voletz creire de re no i falhiretz :
« Dedins aquesta lhissa farem bonas paretz,
« E sian grans e autas et ab grans dentelhetz,
« Aitals que sobrebatan los fossatz els paletz ;
« E pois per totz terminis de lor vos defendretz,
« E negun genh que fassan de re no temeretz ;
« E sios venon combatre trastotz los aucirretz. »
Ditz Dalmatz de Creichel : « Aquest cosselh tindretz,
« Car el es bos e savis e ja no i pecaretz ;
« Es es grans obs e coita que tuit essems obretz. »
— 8153. Ms. aissi o f. — 8155. Ms. Ve v. q. vec. — 8158. Réd. en pr. Adonc lo C. Ramon a ajustat son conseilh on eran les capitols de la vila, et aussi la pluspart dels habitans, alqual a dit un saige et valent home apelat n’Astorg del Mas : « Senhors, ieu soy d’opinieu que nous fasquan prestamen dins aquestas lissas grandas parets an los dentils, talas que serraren los valats ; et d’aqui estant nous defendan ; et per tant d’assauts que nous donen no les creindren de res, ains los tendren en subjectieu (p. 101). À cela se réduit dans la réd. en pr. la scène qui occupe ici les vers 8137-68.
