Co an per tot lo mon, sai e lai, demonstrat,
Aitan co te de lonc santa crestiandat.
Donc se crozan en Fransa e per tot lo regnat
Can sabo que seran dels pecat[z] perdonat.
Ancs mais tan gran ajust no vis pos que fus nat
Co fan sobrels eretges e sobrels sabatatz,
Car lo ducs de Bergonha s’en es la doncs crozat,
E lo coms de Nivers e manta poestatz.
So que las crotz costero d’orfres ni de cendatz
Que silh meiren el peihs deves lo destre latz.....
E nom mete en plah coment foro armatz
Ni com foren garnitz ni co encavalgatz,
Ni lor cavals vestitz de fer ni entresenhatz :
Qu’anc Dieus no fetz gramazi ni clergue tant letrat
Que vos pogues retraire le ters ni la maitat,
Ni ja saubes escriure los prestres nils abatz
Qu’a la ost de Bezers lai foro amassatz
Deforas el sablo.
Quant lo coms de Toloza e li autre baro
El vescoms de Bezers an auzit lo sermo
Que los Frances se crozan, no cug lor sapcha bo,
Ans ne son mot irad si cum ditz la canso.
- ↑ — 184. crozon, il y avait d’abord crozan.
— 170-2. La rédaction en prose a transporté ici une énumération empruntée aux vers 266-70 du poëme : Et adonc entre los autres que se crosaron, s’es crosat lo duc de Burgonya que per aleras era, an toutas sas gens ; et aytamben se croset lo comte de Nevers et lo comte de S. Pol, lo comte d’Auxerra, lo comte de Geneva, lo comte de Poytiers et lo comte de Fores, et d’autres grands senhors (p. 3). — 173. Il doit manquer ici un vers ou deux, car la phrase ne finit pas. — 177. Qu’anc, ms. Quant.
