Page:La Chanson de la croisade contre les Albigeois, 1875, tome 1.djvu/189

[1216]

177

croisade contre les albigeois.

4015E dins aquel mur foro li trap elh pavalho.
E a la Santa Pasca mezo establizo,
E an pres lor cosselh que fassa[n] lo bosso
Per lo capdolh combatre e traire [a] cels que i so,
E quel dono per garda an Gui de Cavalho,
4020E a lor de Volobregua que so lial e bo.
E an pres lo ribatge de[l] capdolh enviro
Que degus hom no n’iesca ni i intre a lairo,
Ni cavals no i abeure ni hom aiga nolh do.
E vengo per las terras vendas e lhivrazo,
4025E li bou e las vacas e li porc elh moto,
E aucas e galhinas e perditz e capo,
El blatz e la farina e l’autra venazo,
El vis de Genestet que vai tant a bando
Que ladoncs resemblet terra de promissio.
4030Sempre van las novellas dreit al comte Simo
Qu’el a perdut Belcaire, que mais nolh tindra pro ;
En Lambert de Limos, Rainier del Caldaro,
Sus el cap del castel e l’autra garnizo.
E cant au las novelas adonc li saub tan bo
4035Com si hom l’agues mort n’Amaldric on Guio ;
Ples d’ira e de felnia el ne venc d’espero ;
En Guis de Montfort manda e prega e somo
Que tuit sei amic vengan per aqui on el so.
E cant foron ensemble ilh el seu companho,
4040E sos nebs n’Amaldric e n’Alas e n’Ugo,
Ab lui G. de Levi, Folcaut e Salamo,

— 4017. bosso, ms. bofo. — 4020. a lor, corr. als ? — 4026. E aucas, ms. E uacas ; perditz, ms. perlitz. — 4033. Sus, corr. Son, ou suppr. la ponctuation à la fin du v. 4031 ? — 4035. Ms. morc. — 4038. Corr. el en ilh, ou so en fo ; si on adopte la seconde correction, qui est la plus probable, il faudra au v. 4039 corriger ilh en el. — 4041. Levi, ms. Leut. Note marginale : Ayci venc le coms