E mandal l’apostolis son castel recobrar.
Ladoncs se pres lo paire el filhs a sospirar,
Lo filhs per lo remandre el paire per l’anar.
E lo coms eis de Roma can venc al dia clar
On l’avenc a la festa a Viterba estar ;
E venc il coms de Foig la noit a l’avesprar,
E estero ensemble per lo jorn onorar.
E pois va s’en lo coms dreit a Sent Marc velhar,
Lo sant evangelista, el sant cors celebrar,
E intran s’en a Genoa per so filh esperar
Que a laichat a Roma.
L’efan remas a Roma, e no n’a gran dezir,
Car no [i] ve re quelh deia plazer ni abelir,
Car ve sos enemics e nols pot dan tenir.
Mas el a tan bon sen, essient es albir
Que so que plus li tira sap celar e cobrir.
.XL. jorns estet en la cort ses mentir
Per gardar e apenre e vezer e auzir
Cos voldra l’apostolis envas lui mantenir ;
Mas P. R. li pres de Rabastencs a dir :
- ↑
la première. Voici la fin depuis 3661 : Et quand lodit comte de Foix es estat despachat, el s’es partit deldit Roma, e drect aldit Biterba es tirat devers lodit comte Ramon, et tot son cas ly a contat, com avia aguda son absolution, et ausi com lodit S. Payre ly avia relaxada sa terra e senhoria, et sasditas letras ly monstret ; don lodit comte Ramon fouc grandamen joyos et alegre ; et adonc se son partits deldit Biterba, et drect a Gena son venguts, la ont an demorat lodit filh deldit comte Ramon (p. 62). — 3657. el, ms. els. — 3659. Note marginale (XIVe s.) : Ayci ichic de Roma le coms....
