« Qu’eu ai agudas letras e sagels sagelatz
« Qu’en Simos de Montfort vindra dema armatz ;
« E can sera laïns vengutz ni enserratz,
« E Nunos mos cozis sera sai aribatz,
« E asetiarem la vila per totz latz,
« E pendrem los Frances e trastotz los crozatz,
« Que jamais lor dampnages no sira restauratz ;
« E puis sera Paratges pertot alugoratz.
« Car si nos er prendiam cels qui son ensarratz,
« Simos s’en fugiria per los autres comtatz ;
« E si nos lo seguem er lo laguis doblatz.
« Per que valdra be mais siam tuit acordatz
« Quels laissem totz intrar, e puih tindrem los datz,
« E ja nols laissarem trol jogs sia jogatz.
« E vulh quels o digatz. »
Li donzel van tost diire al cosselh principal
Qu’els fassan de Murel issir l’ost comunal
E que no i trenquen plus ni bareira ni pal,
Mas quels laisso laïns estar totz de cabal,
- ↑ — 2973. Mas, ms. Mans.
— 2959. E, corr. Er ? — 2962. Paratges, ms. paradis. — 2964. Ms. N Simos. — 2969. Réd. en pr. La causa per que fec laissar lodit assault fouc per so que calcun ly venguet dire que lo C. de M. venia an ung grand secours secorre los deldit Muret, et que aqui poirian aver lo C. de M. amay toutas sas gens, vist lo grand nombre qu’els eran aldit sety ; mais el anet tout autremen que so que lodit rey pensava far, car si aguessa laissat far so que era comensat, agueran pres lodit Muret, amay los que eran dedins ; so que peys no poguet far, dont fouc tard a repentir ; mais sovent se dict que « molt resta de so que fol pensa » (p. 52-3). Sur ce proverbe cf. Le Roux de Lincy, Livre des Prov. II, 490.
