| DE MAHOMET. | 91 |
Dieu, & qui auronr fait de bonnes œuvres, demeureront eternelllement dans le Paradis, où coulent pluſieurs fleuves. Dieu eſt tres-veritable en ce qu’il promet, qui eſt plus veritable en ſes paroles que Dieu ? vos menſonges & les menſonges de ceux qui ſeçavent la loy eſcrite, ne luy font point de mal, celuy qui fera mal ſera chaſtié, & ne trouvera point de protecteur. Celuy qui fera bien & qui croira en la loy de Dieu, entrera dans le Paradis, & ne luy ſera point fait d’injuſtice, quelle meilleure loy y a-t’il que de ſe reſigner en Dieu & eſtre homme de bien ? Suivez la loy d’Abraham, Dieu a eſleu Abraham pour l’aymer, tout ce qui eſt au Ciel & en la terre eſt à ſa divine Majeſté, il ſçait toute choſe. Ils t’interrogeront des femmes, dis leur, Dieu vous enſeigne en cela, ce qui vous eſte enſeigné en l’eſcriture touchant les orfelins, & les femmes, donnez -leur ce qui leur eſt ordonné par la loy, & ne deſirez pas de les eſpouſer ſeulement pour avoir leur bien, Dieu vous enſeigne auſſi de donner aux orfelim ce qui leur appartient, & ne leur point faire d’injuſtice, il ſçaura tout le bien que vous ferez. Si la femme-craint d’eſtre mal traitee de ſon mary, & qu’il la veuille repudier, ils feront bien tous deux de s’accorder, car la paix eſt tres-bonne. Si vous eſtes trop opiniaſtres, & que vous ne puiſſiez pas compatir enſemble, ſi vous faites du bien à vos femmes en les repudiant, & ſi vous craignez de leur faire tort, Dieu, ſçaura tout ce que vous ferez . Si vous croyez ne pouvoir
