| 628 | L’ALCORAN. |
ſes creatures quand bon luy ſemble, il eſt misericordieux envers ceux qui ſe repentent de leurs pechez, & ayme ceux qui le ſervent. Il a creé ſon Troſne auquel loüange eſt eternellement deüe, il eleſve qui bon luy ſemble, & rien ne luy eſt impoſſible. As-tu oüi l’hiſtoire des gens de Pharaon & de Temod ? Dieu chaſtiera de la meſme façon ceux qui ne croiront pas ſa loy, il les cognoiſt tous. Certainement l’Alcoran precieux eſt eſcrit dans le livre qui eſt gardé au Ciel.
LE CHAPITRE DE L’ESTOILE OU DE LA TRAMONTANE,
contenant dix-ſept verſets,
eſcrit à la Meque.
U Nom de Dieu clement & miſericordieux. Je jure par le Ciel & par l’Eſtoile qui enſeigne le chemin aux hommes. Je ne te diray pas quelle Eſtoile, par l’Eſtoile pleine de clarté, que chaque perſonne a un gardien (qui obſerve le bien & le mal qu’elle fait.) L’homme ne considère-t’il pas dequoy il eſt creé ? Il eſt creé d’un peu d’eau reſpanduë, qui ſort du corps de l’homme & de la femmes ; Dieu le fera reſſuſciter au jour du Jugement & personne ne le pourra proteger ny deffendre de la colere de ſa Divine Majeſté. Je jure par le Ciel qui revoye la pluye, par la terre qui s’ouvre et la reçoit pour produire ſes fruicts, que l’Alcoran diſtingue le bien d’avec le mal,
