| 562 | L’ALCORAN. |
la mer gros comme des montagnes, quel Seigneur reniez vous autre que voſtre Seigneur ? Toute choſe prendront fin, & la face de ton Seigneur majeſtueuſe & glorieuſe ſera permanente, quel Seigneur reniez vous autre que voſtre Seigneur ? Tout ce qui eſt au Ciel & en la Terre demande ſa grace, il eſt touſjours luy-meſmes, quel Seigneur reniez vous autre que voſtre Seigneur ? O hommes & Demons je vous demanderay compte de vos actions, quel Seigneur reniez vous autre que voſtre Seigneur ? O hommes & Demons ſortez des extremitez du Ciel & de la Terre, outrepaſſez-les ſi vous pouvez ; vous n’en n’avez pas le pouvoir, quel Seigneur reniez vous autre que voſtre Seigneur ? S’il envoye contre vous des flammes ſans fumée, & de la fumée ſans feu, vous ne vous en pourrez pas deffendre ; quel Seigneur reniez vous autre que voſtre Seigneur ? Lors que le Ciel s’ouvre il ſemble une roſe ou une peau rouge cramoiſi ; quel Seigneur reniez vous autre que voſtre Seigneur ? Le temps viendra qu’on demandera compte aux hommes & aux Demons de leurs pechez, quel Seigneur reniez vous autre que voſtre Seigneur ? Les meſchans ſeront cognus à leur fizionomie, on leur demandera compte de leur promptitude & de leur negligence, quel Seigneur reniez vous autre que voſtre Seigneur ? Voila l’Enfer que les meſchans n’ont pas voulu croire, ils tourneront à l’entour & à l’entour d’une eauë bouillante de laquelle ils bevront, quel Seigneur reniez vous autre que voſtre Seigneur ? Ceux
