| DE MAHOMET. | 347 |
ſa loy. Loüe & exalte ton Seigneur, confies toy en luy, il ſçait tous les pechez des hommes, il a creé les Cieux & la Terre en ſix jours, & s’eſt aſſis en ſon trône, apprens cela de celuy qui le ſçait. Lors qu’on a dit aux infidelles ; Adorez le miſericordieux, ils ont dit, quel miſericordieux ? adorerons-nous ce que vous nous ordonnez ? & ont augmenté leur impieté ; Beny ſoit celuy qui a creé les ſignes au Ciel, qui a creé le Soleil & la Lune pleins de clairté & de lumiere, & qui a fait que les jours s’enrtre ſuivent pour le remercier de ſes graces. Les ſerviteurs du miſericordieux qui marchent avec humilité, qui ſaluënt les ignorans lors qu’ils parlent à eux, Ceux qui prient & adorent Dieu jour & nuit, Ceux qui diſent, Seigneur delivre-nous des tourment de l’Enfer, qui craignent Dieu, qui ne ſont ny prodigues ny avaricieux qui ſuivent le milieu entre la prodigalité & l’avarice, Ceux qui n’adorent qu’un ſeul Dieu, qui ne tuënt perſonne qu’avec raiſon & ſuivant les commandemens de Dieu ; & ceux qui ne ſont pas luxurieux, joüiront eternellement de la grace de Dieu ; Ceux qui feront le contraire ſeront chaſtiez, leur punition fera augmentée au jour du Jugement, & ſeront eternellement damnez, excepté celuy qui ſe ſera converty, & qui aura fait de bonnes œuvres, Dieu luy pardonnera ſes pechez, il eſt clement & miſericordieux. Ceux qui font de bonnes œuvres & qui ſe convertiſſent, qui ne font point de faux ſerment, qui ſont humbles, & qui ne font pas les ſourds ny les
