| DE MAHOMET. | 333 |
LE CHAPITRE DE LA LUMIERE,
contenant ſoixante & quatorze verſets,
eſcrit à la Medine.
U Nom de Dieu clement & miſericordieux. Nous avons envoyé ce chapitre contenant nos commandemens clairs & intelligibles, peut-eſtre que vous les comprendrez ; Le concubin & la concubine ſeront flagellez de cent coups de foüet, prenez garde que la clemence ne vous faſſe oublier les preceptes de la loy de Dieu, croyez en ſa divine Majeſté & au jour du Jugement, quelque uns des vray croyans ſeront teſmoins de leur chaſtiment : le concubin couche avec la concubine ou l’infidelle, la concubine couche avec le concubin ou infidelle, ces choſes ſont deffenduës aux vray-croyans. Celuy qui accuſera une honneſte femme d'adultere ſera flagellé de quatre-vingts coups de foüet, s’il ne preuve pas ſon accuſation par quatre teſmoins, & ne ſera jamais crû en teſmoignage. Ceux qui font de telles choſes, ſont hors de l’obeïſſance de Dieu, exepté ceux qui ſe convertiſſent & qui ſatiſfont à ce qu’ils doivent, Dieu leur ſera clement & miſericordieux. Ceux qui accuſeront leurs femmes d’adultere, & n’auront point de teſmoins, jureront quatre fois qu’ils diſent la verité, & diront la cin-
