| DE MAHOMET. | 179 |
mans qui entrerent dans la caverne, & que le papier où eſtoit eſcrit leurs noms, ne ſoit de nos miracle ? Lors que ces hommes ont dict, Seigneur, donne-nous ta miſericorde, & nous conduit au droict chemin. Alors nous les avons endormys l’eſpace de quelques années, & les avons reveillez apres avoir demeurez quelque temps dans cette grotte, pour faire paroiſtre laquelle des deux Religions eſtoit la plus juſte ; Je te raconteray leur hiſtoire avec verité, ils eſtoient de jeunes hommes qui avoient la crainte de leur Seigneur devant leurs yeux, nous les avons fortifiés, & avons augmenté leur foy ; lors qu’ils eſtoient avec des infidelles ils diſoient, notre Dieu eſt le Seigneur du Ciel & de la Terre, nous n’adorons jamais qu’un ſeul Dieu, autrement nous nous eſloignerons de la verité, ce peuple a adoré des Idoles ſans raiſon ; qui eſt plus injuſte que celuy qui blaſpheme contre Dieu ? Lors qu’ils ont eſté ſeparez des infidelles, ils ont adoré un ſeul Dieu. Entrez dedans la caverne, Dieu vous fera paroiſtre ſa miſericorde, & vous conduira par un ſentier doux & agreable : Lors que le Soleil ſe levoit ; il jettoit ſes rayons au coſté droict de leur caverne, & au coſté gauche lors qu’il ſe couchoit, cependant qu’ils eſtoient dans le lieu le plus ſpacieux de cette grotte, c’eſt un des miracles de Dieu, celuy qu’il conduit eſt bien conſduit, & celuy qu’il devoye ne trouvera perſonne qui luy donne ſe-
