| DE MAHOMET. | 257 |
fleuves, ils y demeureront eternellement avec le comble de leur deſir. Les meſchans demeureront-ils dans leur peché jusques ce que les Anges les faſſent mourir, ou jusques au jour du Jugement ? ainſi ont fait ceux qui les ont precedés. Dieu ne leur a point fait d’injuſtice, ils ſe ſont fait tort à eux-mesmes par leur iniquité, ils en ont eſté chaſtiez, & ont reſſenty la punition qu’ils, avoient meſprisée, ils ont dit, ſi Dieu euſt voulu, nos peres &, nous n’aurions adoré que luy ſeul, ainſi ont parlé leurs predeceſſeurs. Les Prophetes ne ſont obligez qu’à preſcher & inſtruire le peuple, nous avons envoyé un Prophete à chaque nation pour l’inſtruire, & pour luy ordonner d’adorer un ſeul Dieu, & de quitter l’adoration de Tagot & des Idoles, .Dieu en a en à conduit quelques-uns au droict chemin, & les autres ont eſté devoyez, conſidere quelle eſt la fin des meſchans, ſi tu taſche de les mettre au droict chemin tu perdras ton temps, Dieu ne conduit pas ceux qui ſe veulent devoyer, ils ſeront privez de protection au jour du Jugement, ils ont juré par leur foy que Dieu ne fera pas reſſuſciter les morts, au contraire, il les fera reſſuſciter pour les chaſtier ſelon ſes promeſſes, mais la plus grande partie des hommes ne le ſçait pas, s’ils le ſçavoient, ils recognoiſtroient leurs erreurs, & les impies recognoiſtroient leurs blaſphemes. Lors que nous aurons voulu quelque choſe nous avons dit, ſois, elle a eſté : Ceux qui s’eſloigneront des impies pour l’amour
