| DE MAHOMET. | 227 |
les Dieux que vous adorez ne ſont que des idoles que vous & vos peres appellez de tel nom que bon vous ſemble, vous n’avez pas raiſon de les adorer, Dieu ne le vous commande pas, il vous commande de l’adorer luy ſeul, c’eſt le droict chemin, mais la pluſgrande partie du monde ne le cognoit pas, O priſonniers, l’un de vous deux donnera à boire du vin à ſon Maiſtre, & l’autre ſera pendu, les oiſeaux paiſtront ſur ſa teſte, l’explication que vous m’avez demandée s’accomplira ; Il pria celuy qui devoit eſtre ſauvé d’avoir memoire de luy lors qu’il ſeroit auprez de ſon Maiſtre, mais le Diable luy fit perdre le ſouvenir de Joſeph ; il demeura priſonnier l’eſpace de neuf ans. En ce temps le Roy d’Egypte vid en ſonge ſept vaches graſſes que ſept vaches maigres devorroient, & ſept eſpics verds & ſept eſpics ſecs dont il demanda l’explication à ſes Docteurs, ils reſpondirent que ce ſonge eſtoit tout embroüillé & qu’ils n’en ſçavoient pas l’explication ; le priſonnier qui avoit eſté delivré dit qu’il diroit bien-toſt l’explication de ce ſonge, & ſe ſouvint de Joſeph, il le fit appeller & luy dit : O homme de bien, explique nous ce que ſignifient ſept vaches graſſes mangées par ſept vaches maigres, & ſepr eſpics verds & ſept ſecs, peut-eſtre que je retourneray vers le Roy & vers les gens, & qu’ils apprendront l’explication de ce ſonge ; Joſeph luy dit, vous ſemerez la terre ſept annees conſecutives qui ſeront abondantes en fruicts, conſervez voſtre moiſſon dans les eſpics, &
