Page:Journal asiatique, série 9, tome 13.djvu/259

239

LE TRAITÉ SUR L’ASTROLABE PLAN.

ܟܕ ܩܕܡܐܝܬ^[1] ܚܿܐܝܢܢ ܗܦܘܟܝ ܚܼܿܬܝܬܐ ܕܫܡܫܐ ܘܒܐܝܕܐ ܙܕܝܘܢ ܐܝܬܝܗ. ܒܙܒܢܐ ܗܿܘ ܕܒܥܝܢܢ ܬܠܝܢܢ ܠܟܠܗ ܐܘܪܓܢܘܢ ܠܘܩܒܠ ܫܡܫܐ. ܥܕܡܐ ܕܒܛܪ̈ܝܗܘܢ ܚܪܘܪ̈ܐ ܗܢܘܢ ܕܒܕܝܘܦܛܪܐ ܕܢܩܝܟܝܢ ܠܘܩܒܠ ܗܕܵܪܐ. ܐܝܟܢܐ ܕܢܥܒܕ ܒܗܘܢ ܣܠܝܩܐ ܕܫܡܫܐ. ܝܕܝܥܐ ܗܝ ܕܟܕ ܣܝܡܝܢܢ ܗܕ ܪܝܫܗ (fol. 88 r^o) ܕܕܝܘܦܛܪܐ ܗܿܝ ܕܡܬܐܡܪܐ^[2] ܛܛܪܛܝܡܘܪܝܘܢ ܗ ܡܢܬܐ ܪܒܝܥܝܬܐ ܐܘܟܝܬ ܚܕܐ ܡܢ ܐܪ̈ܒܥ ܕܝܠܗܿ ܕܒܠܗܿ ܐܣܦܝܪܐ ܕܫܡܝܐ ܕܗܘܝܐ ܨ ܡܘܪ̈ܣ ܒܠܚܘܕ. ܘܒܬܪܟܢ ܚܿܙܝܢܢ ܕܟܡܐ ܡܘܪ̈ܣ ܪܕܐ ܡܚܘܝܢܐ ܕܡܘܪ̈ܣ ܗܿܘ ܕܒܕܝܐܦܛܪܘܢ. ܡܢ ܗܢܝܢ ܡܘܪ̈ܣ ܕܡܢܬܐ ܕܒܝܥܝܬܐ. ܘܟܕ ܠܡܘܪܐ ܗܿܝ ܕܡܬܕܪܩܐ ܠܢ ܡܢ ܗܪܩܐ ܢܣܒܝܢܢ. ܡܿܗܦܟܝܢܢ ܠܐܣܛܪܠܒܘܢ. ܠܗܿܘ ܓܒܐ ܐܚܪܢܐ. ܘܥܠ ܩܠܝܡܐ ܗܿܘ ܕܒܥܝܢܢ ܐܘܟܝܬ ܕܒܗ ܐܝܬܝܢ ܡܟܪܟܝܢܢ ܠܙܘܢܝ ܕܙܘܕܝܐܩܘܢ ܗܿܝ ܕܐܝܬܝܗ ܒܡܨܥܬ ܗܿܝ ܕܡܬܩܪܝܐ ܐܪܟܐܢܐ. ܥܠ ܦܣܩܐ ܕܓܘܐ. ܗܢܘܢ ܕܡܬܩܪܝܢ ܦܐܪ̈ܠܝܠܘ ܐܘܟܝܬ ܩܪ̈ܒܝ ܠܚܕܕܐ. ܘܥܕܡܐ ܕܡܩܝܡܝܢܢ ܠܡܘܪܐ ܗܿܝ ܕܩܿܐܡ ܒܗܿ ܫܡܫܐ ܒܗܘܢ ܒܦܣܩܐ ܕܓܘܐ. ܥܠܝܗܿ ܟܕ ܥܠܝܗܿ ܕܡܘܪܐ ܗܿܝ ܕܩܕܡܬ ܐܬܕܪܟܬ ܠܢ. ܡܢ

1. ܩܐܡܐܝܬ ms. 
2. Il doit manquer ici quelques mots, par exemple : ܡܚܘܝܢܐ ܕܡܘܪ̈ܣ ܥܠܺ.