entente, quant je pourray avoir loisir, d’escrire par prose ce que je ay veu et ouy recorder par ceulx qui ont esté là où je n’ay pas esté, au plus prez de la verité que je pourray, selonc la memoire que Dieu m’a presté, et au plus brief que je pourray, sans nulluy placquier. Et, se je ne le puis parfaire, si le face un aultre aprez moy, à cui Dieu en donnera la grace.
Règnes d’Édouard Ier et d’Édouard II. Luttes contre les Écossais. Familles d’Édouard II et de Philippe le Bel, roi de France. Influence des Spencer sur Édouard II. La reine se réfugie auprès de son frère Charles IV, roi de France, qui lui refuse assistance pour rentrer en Angleterre. Elle va alors, avec son fils et les chevaliers qui l’accompagnaient, à la cour de Jean de Hainaut et lui demande son appui.
Cy aprez est contenue la generation du noble roy Edowart, et comment il fut dechassé d’Angleterre[1].
Premierement, pour entrer en ma matere, certaine chose est que l’opinion des Angles est communement telle, et l’a on souvent veu avenir en Angleterre puis le roy Artus, que entre deux vaillans roys d’Angleterre a tousjours eu ung mains souffisant de sens et de proesse.
Et assez est apparant au gentil roy Edowart, qui maintenant regne, pour lequel ceste hystoire est
- ↑ Cf. Froissart, éd. Luce, t. I, p. 9, § 1, à 22, § 9, et Variantes, p. 213 à 229. Les débuts de ce chapitre diffèrent un peu dans Froissart, surtout dans le ms. de Rome.
