1196 [juin].— Compiègne.
Guillaume, archevêque de Reims, Pierre, évêque d’Arras, Etienne, évêque de Tournai, et Lambert, évêque de Thérouanne, s’engagent à excommunier Baudouin, comte de Flandre et de Hainaut, et à mettre l’interdit sur ses terres s’il manque à son serment d’homme lige du roi de France pour la Flandre.
Archives nationales, J//532, no 2 (AE II 2357)
Willelmus Dei gratia Remensis archiepiscopus, sancte Romane ecclesie titulo Sancte Sabine cardinalis, apostolice sedis legatus, P. (Petrus) Atrebatensis, S. (Stephanus) Tornacensis et L. (Lambertus) Teruanensis eadem gratia episcopi, omnibus ad quos littere iste pervenerint, in Domino salutem. Noveritis quod Balduinus comes Flandrie et Hainoensis, in presentia domini regis Francie et nostra et multorum baronum constitutus, juravit domino regi Francie quod omnibus diebus vite sue juvabit eum bona fide et sine malo ingenio, contra omnes homines qui possunt vivere et mori, tanquam dominum suum ligium de feodo Flandrie, de ea scilicet parte quam modo tenet et de ea parte que ad eum venerit, quandocumque et quomodocumque venerit, et quod non sustinebit quod aliquis de alia terra sua quacumque noceat domino regi Francie vel suis, salva fidelitate quam dictus comes debet inde domino imperatori et episcopo Leodicensi. Concessit etiam idem comes sub eodem juramento et nos rogavit ut quotienscumque vel quomodocumque ab his resiliret, totiens personam ipsius excommunicaremus et totam terram suam interdiceremus, non obstante contradictione sive appellatione que ab eo vel per eum fieret. Nos vero, ad preces predicti comitis, id domino regi nos facturos firmiter concessimus et litteris annotatis sigillis nostris roboravimus. Actum Compendii, anno Verbi incarnati M° C° LXXXXVI°.
