Page:Henri IV - Lettres Missives - Tome3.djvu/798

dès le xxix° du passé, au village- de Suresne, n’ont jusques à present traicté que des seqretez requises d’une part et d’aultre,’ ayant aussy esté interrompus par la venue des ducs de Mayenne, de Guise et aultres chefs de leur party à Paris, ou leurs depputez les ont esté trouver ; et ce pendant les s” de Schomberg et de Bevol me sont venus rendre compte, au nom de tous les dicts depputez, de ce qui s’est passé entre eux et les aultres ; où ’ils ne pouvoient aller plus avant sans estre plusamplement esclaircys de ma volonté, de laquelle les ayant fort particulierement instruicts, je les ay renvoyez pour continuer la conference. Vous sçavés, mon Cousin, que la proposition de U la dicte conference fut introduicte’ parmy des deliberations ou fon A i vouloit faire tomber fassemblée de Paris, de procederià l’election d'un roy. Il se cognoist que ce moyen a suspendu les esprits de plusieurs de la dicte assemblée, qui ne vouldroient tomber sous la domination de l’Espagnol, laquelle ils. voyent qu’on les veut soubmettre, et à personnes du tout despendantes d’eux ; et ceste crainte, joincte la necessite qu’ils sentent de la longueur de la guerre, leur a engendré un desir de s’accommoder avec moy, si _i’estois.de leur religion. Ceulx qui ont aultre intention, qui sont les chefs, monstrent neantmoins semblable intention, parce qu’ils_ne veulent faire cognoistre s'estre nourrys d’aultre cause que de leur religion ; mais en faisant semblant d’adherer à la mesme opinion des aultres, la traictent. avec termes qu’ils’sont bien asseurez y former une impossibilité, quand . ils seroient pris au mot de ma conversion, la renvoyans, comme ils font, au Pape, qu’ils scavent n’avoir en cela mandement ny volonté que celle du roy d’Espagne`; ce qui les a rendus plus libres a faire quelque demonstration de me vouloir recognoistre, aprés que ceste formalité seroit intervenue, pensant tirer du refus que j’en ferois, ou de la difficulté que _i’y trouverois quand je le vouldrois tenter, une grande confirmation de leur pretexte et credit envers le peuple, et par là le faire plus facilement condescendre à ce qu’ils desirent, poursuivant ce pendant, par tous les moyens et artifices qu’ils peuvent, de rendre suspect et odieux tout traicté de mon costé ; en quoy les