sur ce, je prie Dieu qu’il vous ayt, Monsr le president, en sa saincte garde. Escript au camp de Pontoise, le xe jour d’aoust 1589
[1589.]-11 Août.
Orig. autographe.- Collection de M. F. Feuillet de Conches.
A MONSr DE St GENIÈS.
Monsr de Saint Geniès, Despuis que Dieu m’a appellé à cest Estat, je n’ay eu le moyen ny le loisir de vous escrire, pour les continuelles occupations que j’ay tousjours eu, pour me voir parmy des peuples bizarres, et esloigné des villes et lieux où despuis quinze ans j'ai tousjours esté. J'ay eu nouvelles de mon agent en Espagne, par lesquelles il me mande comme il s’est levé force gens et qui pourroient bien entreprendre quelque chose sur mes pays souverains. Et pour ce je vous prye d’y pourvoir, comme vous avés tousjours accoustumé. Vous me pourrés souvent advertir de ce qui passera, par la voie de Bayonne, droict à Mr le mareschal de Matignon, à Bor-deaux, et l’on fera taxe pour les frais. Croyés, au reste, que comme je suis creu en dignité ; je le suis en moyen et bonne volonté de recognoistre les fideles services que vous m'avés tousjours faict, et que je vous prie de me continuer,
De Marines[1], ce xje aoust.
- ↑ Village du Vexin francais, aujourd'hui du département de Seine-et—Oise, chef-lieu de canton dans l'arrondissement de Pontoise.
