laissé perir devant leurs yeulx, comme ils ont faict plusieurs qui y sont demourez, plustost quede les secourir, et sy, en quelque façon que c fust, ceulx qui estoient reduicts à ceste extremité ne laissoient "cle sortir sans permission, aimant mieulx s’exposer à estre tuez par nos soldats, comme ils s’y presentoient, si on les- vouloit empescher de sortir, que rester dans la ville : qui `mouvoit un chascun à telle compassion, que -les plus severes leur faisoient passaige, ce que je confesse que je ne pouvois resprouver, saichant mesmes que faire aul- trement ne pouvoit en rien advancer la reduction de la ville. Or Dieu n’y ayant voulu disposer les choses pour cette fois, il fault recevvoir en bonne part ce qu’il luy plait. En attendant que je puisse avoir _de quoy faire mieulx, j’employeray` le peu de forces qui me sont demeu- rees, selon que les occasions s’en presenteront, estant bien tenu à la dicte dame Royne, oultre tant d’autres-obligations que je luy ay, du i secours ’d'argent qu’elle m’a voulu faire encores à present pour nfay- der à fentretenir, ce qui m’est venu trés à propos ; et ne puis que louer grandement vostre dexterite à le luy avoir sceu persuader, car je ne sçaurois de quoy donner quelque contentement à mes estrangers ; et encores suis-je trés empesché avec eux, pour ce que la necessite en laquelle ils me voyent les rend plus difficiles et mal traictables, menaçant tous les jours de m'habandonner.
Le sr de Maudetours est arrivé à Dieppe avec les vingt-huit mil escuz que luy aves baillépour m’apporter. Jiay envoye pour me les faire amener icy, et donneray ordre sur les obligations, tant de cette somme que des aultres, de faire faire les expeditions en la forme qu’on les demande, ainsy qu’elles avoient desjà este faictes pour les cinquante mille escuz que le sr de Buzenval avoit apporté ; et vous furent envoyées il y a desjà quelques mois. Mais puisque vous ne les aves reçeues, ainsy que je congnois par finstance que vous faictes encores de les vous envoyer, la depesche où elle estoit a esté perdue, et fauldra la faire extraire des registres de la court de
Guillaume Rubantel, seigneur de Maudetour.
