Mon Cousin, Soubdain apres vous avoir faict ceste depesche, il est survenu occasion en mes affaires, que je me suis aussi tost resolu de retenir le dit sr de Roques pour l’employer en yceulx, m’asseurant bien que pour son absence fondée sur mon service, vous ne l’aurez point en tout ce qui deppendra de vous en moindre recommandation.
Ce que je vous prie aussi fort affectionneement et de vous employer à la conservation de ses biens et famille, comme je m’en remectz et repose entierement sur vous.
Orig. – B. R. Fonds Béthune, Ms. 8733, Fol. 48 recto.
À MON COUSIN MONSR LE MARQUIS DE VILLARS,
Mon Cousin, Mon procureur general d’Armaignac[1], me Françoys Juau, m’a faict entendre son emprisonnement et les bons offices qu’il a receu de vous en ce dont il vous a faict requerir : de quoy je vous remercie. Et d’aultant, mon Cousin, qu’il est homme bien versé dans mes affaires, et necessaire pour mon service en la charge que luy a esté commise, je vous ay bien sur ceste occasion voulu escrire la presente, pour vous prier, aultant affectionneement qu’il m’est possible, de luy continuer vostre faveur, et vouloir entendre la cause de son dict emprisonnement, pour le conserver, et empescher que pour accusations legieres et mal fondées et dont il ne doibve estre recherché, selon l’intention du Roy mon seigneur, on ne le moleste poinct. Je le vous recommande, comme estant mon officier et tel que je ne pense pas qu’il se treuve chargé de chose prejudiciable à l’Estat de Sa Majesté ; auquel cas ne luy ne aultre ne peuvent esperer de moy
- ↑ Le comté d’Armagnac, haut et bas, que le roi de Navarre tenait sous l’hommage du roi de France, comprenait dix-huit cents fiefs nobles. Les villes principales en étaient Auch, ville archiépiscopale, Condom et Lectoure, villes épiscopales, Euze ou Eause, l’Isle-Jourdain, Gimon, Mauvesin, Grenade, Vuillac, Castelnau.
