cas vous regler selon leurs deliberations et deportemens, et s’ils s’en alloyent, vous pourriez en faire de mesme et non aultrement ; vous priant de croyre que je tesmoigneray tousjours l’affection que je porte à vostre repos, soulagement et seureté, et la procureray par tous moyens : priant Dieu vous avoyr, Messrs, en sa saincte et digne garde. De Lectoure, ce xiije jour de juillet 1584.
Orig. — Arch. de M. le marquis de Villeneuve-Trans, membre de l’Académie des inscriptions et belles-lettres.
Monsr de Vauclause[1], J’ay eu si bon tesmoignage de vostre valeur et vertu par beaucoup d’honnestes hommes, et particulierement par le sieur d’Eguieres, present porteur, que je n’ay voulu le laisser partir sans l’accompaigner de la presente, et vous faire, par luy, entendre l’estime en quoy je vous tiens, et vous asseurer de ma bonne volonté en vostre endroict, pour vous en faire congnoistre les effects lorsque j’auray moyen et l’occasion se presentera, ainsy que le sieur d’Eguieres vous fera entendre plus particulierement ; lequel vous prye croire tout ainsy comme moy-mesme, qui prye Dieu vous tenir, Monsr de Vauclause, en sa saincte garde. De Pamyers, ce dernier jour de juillet 1584.
- ↑ Christophe de Villeneuve, baron de Vauclause, seigneur de Bargemont, etc. fils de Gaspard de Villeneuve, commandant des galères de sa majesté, et d’Anne de Castellane, était né en Provence, le 30 juin 1541. Dès sa première jeunesse, il se trouva à la cour de François II comme page de François de Lorraine, duc de Guise, devint gentilhomme de la chambre, chevalier de l’ordre, gouverneur de Fréjus ; et, après avoir servi avec distinction les rois Charles IX, Henri III, Henri IV et Louis XIII, il mourut au château de Bargemont, le 26 juillet 1615.
