Cop. — B. R. Suppl. fr. Ms. 1009-4.
Imprimé. - Mémoires de messire Philippe de Mornay, seigneur du Plessis Marli, etc. édition de 1624, in-4o, t. I, p. 233.
Monseigneur, J’estois venu exprés à Bazas, pour faire obeïr le Casse, ou par une façon ou par aultre, comme j’estime que mon cousin, monsr le mareschal de Matignon, aura faict entendre à Vostre Majesté. Mais nous estant trouvés luy et moy en ceste ville de Langon, pour adviser sur ce faict et aultres de pareille nature, plusieurs considerations de consequence nous ont faict conclure à la voye moins rigoureuse, telle que je l’envoye par escript à Vostre Majesté et qu’elle a esté conceuë entre nous. La somme est, Monseigneur, que la faulte qu’il a faicte de fortifier sa maison soit en quelque façon reparée par la demolition des fortifications d’icelle, et que la peine que par là il avoit encouruë lui en soit remise et pardonnée par vostre debonnaireté et clemence, dont je la supplieray tres humblement, quand il aura satisfaict à ce qui en a esté arresté pour vostre service. Il me desplaist infiniment, Monseigneur, quand la droicte et pleine volonté que j’ay de rendre toutes choses au plaisir de Vostre Majesté rencontre ces aheurts ; mais j’espere qu’en cestuy-cy nous en avons aplany beaucoup d’aultres par la procedure que nous avons tenuë. J’eus aussy nouvelles hier que le chasteau de Camaiol, appartenant au sr de Sainct-Sulpice, avoit esté delaissé, suivant les despesches que j’en avois faictes, dont j’ay tenu Vostre Majesté advertie. Mais il me vient de griefves plainctes de l’aultre part, auxquelles, si elles continuent, je supplieray tres humblement Vostre Majesté de donner ordre. Je remettray le surplus à quand nous aurons faict effectuer ce qui a esté arresté pour le faict du Casse, pour
- ↑ La date est donnée par Mornay dans le titre de la lettre, ainsi conçu : « Lettre du roi de Navarre au roi Henri III, du 29 juillet 1583, dressée par M. du Plessis. »
