vous pourrés de toutes les occurrences de la Court. Et par ce que le sr de la Roque vous fera amplement entendre l’occasion de son voyage, je ne vous feray plus longue lettre, que pour prier le Createur vous avoir, Forget, en sa saincte garde. Escript à l’Isle en Jourdain, le xiije jour de septembre 1576.
Orig. — Arch. de famille de M. de Treignan, au château de Treignan, près Nérac. Communication de M. Jubé, sous-chef de bureau au ministère de l’Instruction publique.
À MONSR DE TRIGNAN.
GOUVERNEUR POUR LE ROY MON SEIGNEUR EN SA VILLE DE BAYONNE.Monsr de Trignan, Les habitans de Marenne et de Boucau[1], qui sont mes subjects et justiciables, m’ont faict entendre que, combien qu’ils soient plus pres d’Acqs[2] que de Bayonne et qu’ils ayent contribué et accoustumé de contribuer aux fortifications et aultres charges de la ville d’Acqs, toutesfois, par surprinse, on a obtenu du Roy mon seigneur des lettres patentes par lesquelles ils sont comprins en certaines fortifications qui se font à present à Bayonne, et que vous procedez à l’execution des dictes lettres sans m’en advertir, comme il me semble que debvriez faire pour le debvoir de vostre charge, qui aussy
