chascun sache la verité de mes intentions, et comme l’affection que je porte au vray service du Roy, au bien, repos et tranquilité de ce Royaume, et particulierement à tous ceulx de la Religion, m’a justement convié à ce faire, envoyant expres le sr de la Broisseniere, present porteur, à la Rochelle pour cest effect, j’ay estimé que c’estoit chose digne de ceste louable affection d’en advertir pareillement ceulx qui sont zelateurs et poursuivant ceste mesme intention. Et pour ce que je suis de longue main tout asseuré qu’estes de ce nombre, et que je desire estre bien accompagné, allant trouver Monsieur, je vous prie bien affectueusement, par celle-cy, me vouloir venir trouver au plus tost qu’il vous sera possible, avec le meilleur nombre de vos amys que pourrez amener, si ce n’est que soyez lié à charge de telle consequence qu’elle vous oblige à faire residence. Reservant à vous dire que vous serez plus que le bienvenu, je prieray le Createur vous donner, Monsr de Verac, ses saintes graces. De Beaufort, ce xxiv febvrier.
Imprimé. - Recueil de lettres de Henri IV, publié par le comte de Valori ; Paris, F. Didot, 1821, in-8o, p. 382.
Monsr de Verac, Je vous ay, depuis quatre ou cinq jours, escript et faict entendre le retardement de mon deslogement de la Cour, et le desir que j’ay que me fassiez ce plaisir que de me venir trouver. Continuant ceste mesme volonté j’escris presentement à mon cousin, monsr de Rohan[1], d’assembler toute la noblesse qu’il trouvera affectionnée au service de Monsieur et mien, et me venir trouver le plus diligemment qu’il pourra vers Saumur, d’aultant que je suis trez asseuré de vostre affection. Je vous prieray par ceste recharge de vous ranger avec le plus de vos amis qu’il vous sera possible pres mon dict
- ↑ Louis de Rohan, comte de Montbanoz, fils de Louis de Rohan, prince de Guemené, etc. et d’Éléonore de Rohan-Gié.
