Cette page a été validée par deux contributeurs.
à Sophroſine.
Quoy qu’il en ſoit, voicy Les Aduis ou Les Preſens deſquels, ſelon ma debile puiſſance ie regale ma Patrie : & ſi pour eſtrenez à Paris & d’vne Pariſienne zelée à ce berceau, huictieſme merueille du Monde, tu les veux rebaptiſer du nom de Pariſiens, ie t’en aduouë. S’ils n’aggreent non plus que L’Ombre, leur frere, à cette ſorte de gens dont il eſt queſtion, ie ne ſeray pas trompée. On m’a dit au reſte, que les mauuais Eſcriuains m’en veulent particulierement : mais quel meilleur moyen pourroient-ils trouuer de mettre mes griffonneries au rang des bons Eſcrits, qu’en teſmoignant qu’elles ne leur plaiſent point ?
