Page:Furetière - Le Roman bourgeois.djvu/279

Le texte de cette page a été corrigé et est conforme au fac-similé.

rendu et constitué prisonnier en la geolle de vostre merite. Il ne se veut point pourvoir contre ledit decret, ny obtenir des defenses de passer outre ; ains, au contraire, il offre de prester son interrogatoire et de subir toutes les condamnations qu’il vous plaira, si mieux, vous n’aimez, me recevant en mes faits justificatifs, me sceller des lettres de grace et de remission de ma temerité, attendu que le cas est fort remissible, et que si je vous ai offensée ce n’a esté qu’à mon cœur deffendant : faisant à cet effet toutes les protestations qui sont à faire, et particulierement celle d’estre toute ma vie

Votre tres humble et tres patient serviteur,

Belastre.

Si tost que cette lettre fut achevée, Belastre en trouva le stile merveilleux et magnifique, et s’applaudit à luy mesme comme s’il l’eust composée, parce qu’il y reconnut deux ou trois termes de pratique qu’il y avoit mis, qui avoient servy à son siffleur de canevas pour la mettre en cette forme. Il ne laissa pas d’embrasser tendrement son docteur, pour le remercier de sa correction ; et il ne l’eut pas si-tost mise au net, qu’il l’envoya à Collantine. De vous dire quelle impression elle fit sur son esprit, je ne puis le faire bien precisément, parce qu’il n’y a point eu d’espion ou de confident qui en ayent pû faire un rapport fidelle, ce qui est un grand malheur, et fort peu ordinaire : car regulierement, en la reception de telles lettres, il se trouve tousjours quelqu’un qui remarque les paroles ou les mouvemens du visage, témoins asseurez des sentimens du cœur de la dame, et qui les decelle aussi-tost indiscretement. Il y eut encore un malheur plus signalé : c’est que la ré-