Le texte de cette page a été corrigé et est conforme au fac-similé.
507
DE JEAN FROISSART.
Et aussi
Bien nous servi,
Quant ensi
Il se vesti
Et offri
À nostre humanité legiere.
Homs nous perdi
Et je di
Que cils homs ci
Acqueri,
Quant mort souffri
Et pendi
En croix, nostre gloire hiretiere.
Je sçai de fi
Et affi
Que puisse-di
Tout par li
Resurrexi
Et issi,
Hors dou saint monument de piere.
Par vertu noble et divine
Lois juïse, or adevine
Comment et par quel doctrine
Cils qui le monde enlumine
Couchiés on monument digne
Ressuscita dou tombiel.
On te dist et endoctrine
Que Jhesucris, face encline,
Moru en croix par hayne ;
