Page:Froissart - Poésies (1829).djvu/489

473

DE JEAN FROISSART.

» Or devés-vous moult bien savoir
» Qu’il n’est riens que grans soings ne brise.
» Il n’est pas sages qui le prise
» Ne qui le prent pour soi lasser,
» Ens ou cas qu’il s’en puist passer.
» Se ne li voeil-je pas brisier
» Son pourpos, mes très bien prisier,
» D’estre jolis et esbatans ;
» Car jamès n’i vendra à tamps
» Se de maintenant il n’i vient.
» Et puis qu’amer il li convient
» Et qu’il dist et vous met en voie
» Que ces pensers je li envoie,
» Je le voeil un peu resjoïr ;
» Et, vous, voeilliés comment oïr.
» Je me lairai de tant adire
» Que d’esbatre parler et rire
» Liement, sans li decevoir,
» Le vodrai hui mès recevoir.
» Mès que j’acorde ne ordonne
» Qu’à mes trois vallés congié donne
» Qui m’ont servi très loyalment,
» Je ne le ferai nullement,
» Car moult j’en seroie escarnie
» Et de grant conseil desgarnie
» S’il estoient en sus de mi.
» Il me sont servant et ami
» Moult gracieus et très propisce ;
» Et bien affiert à leur offisce
» Qu’entre euls aient la contenance