Page:Froissart - Poésies (1829).djvu/443

427

DE JEAN FROISSART.

Or nous convenoit entre nous
Estre en estant ou en genouls.
Si nous asséins environ
De ma dame, et en son giron
Mist cascune et cascuns son doi
Pour le ju dont parler je doi.
Et cils qui en fist la devise
Disoit ensi, quant je m’avise :
« Robins ne poet dormir ou clos
» S’il n’est de fleurettes enclos.
» Et dist que jà n’i dormira
» Jusqu’à tant que sa mie aura
» Et un et deus. » — « Or vous levés
» Dist on à moi, vous le devés. »
Je me levai sans nul delai
Et un petit en sus alai
Environ dix ou onse apas,
Par quoi ne les oïsse pas,
Et me mis en un buissoncel
Qui séoit dalès un moncel.
Je croi que il fu fais pour mi,
Car il estoit tous croes parmi,
Beaus et foellus, ombrus et vers.
J’estoie laiens tous couvers
De foeillettes à toutes pars,
Et toutdis estoit mes espars
Et mon regard dessus ma dame
Pour qui amours le coer m’entame.
Elle fait bien à regarder.
Et celles qui l’ont à garder