Page:Froissart - Poésies (1829).djvu/346

330

POÉSIES

» Et que dou monstrer aies, cause,
» Lis nous ensievaut ceste clause. »
» Les Romains qui jadis regnerent
» Et qui le monde gouvrenerent
» N’en orent pas la gouvrenance
» Sans grand art et bonne ordenance.
» Et s’il l’orent, ce fu raisons ;
» Car par hostels et par maisons
» Faisoïent les enfants cerchier
» Et de leur nature encerchier
» Là ou le plus il s’enclinoient,
» Et à ce les disciplinoient
» En quelque labour que ce fust,
» De piere, de fer ou de fust,
» De doctrine ou de grant science ;
» Et avoient tele conscience
» Que les clers faisoïent aprendre
» Et les armeres armes prendre.
» Dont ca ce tant s’abiliterent,
» Et telement si deliterent,
» Que ce furent jadis en Rome
» Li plus preu et li plus sage homme
» Qui fuissent regnant en ce siecle,
» Tout ensi qu’il comprent son ciercle ;
» Car par sens tous les ars passerent
» Et par armes les fors quasserent ;
» Et misent toutes nations
» Enclines à leurs actions.
» Ensi par les Romains te poes
» Aviser voires se tu voes