Le texte de cette page a été corrigé et est conforme au fac-similé.
319
DE JEAN FROISSART.
À mon pooir, sans nul fauls tour.
Tels me voeil rendre.
Or aiés en recort le jour
Que pour alegier ma douleur
Tous diseteus, plains de paour,
Je vous priai de vostre amour
Sans riens mesprendre.
Et vous, ma dame jolie
Come noient avoïe
De moi faire à ceste fie
Une si grant courtoisie ;
Respondistes tos :
Que pas n’estié conseillie
Ne tres bien appareillie
Que lors me fust octroye
L’amour de quoi je vous prie.
He mi ! com durs mors,
Bien voi, vous ne sentes mie
Comment Desirs me mestrie
Pour vostre amour, et me lie,
Si que heure ne demie
Je n’ai nul repos
Ou jour ne en la nuitie.
Ains souspir plour et larmie,
Et fui toute compagnie.
D’otel et plus que ne die
M’est chargiés li cols.
Et s’adont fui entrepris
Et souspris
