Page:Froissart - Poésies (1829).djvu/327

311

DE JEAN FROISSART.

Or avint à ce dont, par m’ame !
Qu’elle vint illuec d’aventure.
Je qui pour lui maint mal endure
Di en passant, n’en falli mie :
« Lès moi venés ci, douce amie. »
Et elle, si com par courous
Dist : « Point d’amie ci pour vous. »
D’aultre part s’en ala séoir ;
Et quant je poc tout ce véoir,
Je me tinc en mon lieu tout quoi.
Que fist elle ? Vous saurés quoi
Par devant moi rapassa-elle ;
Mès en passant me prist la belle
Par mon toupet, si très destrois
Que des cheviaus ot plus de trois
El ne fist ne del ne parla ;
Ensi à l’ostel s’en rala,
Et je remès forment pensieus,
Contre terre clinant mes yeus,
Et disoie : « Veci grant dur !
» Je prise petit mon éur,
» Car j’aimme et point ne suis amés,
» Ne amans ne servans clamés.
» À painnes que ne me repens,
» Car en folour mon tems despens.
» Le despens-je dont en folour ?
» Oil, onques ne vi grignour. »
Lors me repris de ma folie
Et di : « Se je merancolie
» Ensi se veulent amourettes