N’est aventure qui n’avient
À un amourous qui poursieut
Sa besongne ; trop bien sensieut
Que, quant il ne s’en donne garde
Amours en pité le regarde.
Veci le confort que je pris
De ma droite dame de pris
Avec joie et esbatemens
Et gracious contenemens.
À ma dame plot lors à dire,
Pour un peu garir mon martire,
Qu’elle me retenoit pour sien.
Onques li quens li Porsyen
Ne le visconte de Nerbonne
N’oïrent parolle si bonne,
Ne si belle com je fis lors ;
Car de coer, d’esperit, de corps
Fui tres grandement resjoïs
Quant j’ai si très douls mos oïs.
Quant celle qui me soloit pestre
De durté ne me voelt mès estre
Forsque graciouse et courtoise.
Mon coer s’eslargi une toise
Quant je li fis ceste requeste :
« Dame, en nom d’amour, soyés ceste
» Qu’un petit voeilliés alegier
» Les mauls qui ne me sont legier,
» Et me retenés vo servant
» Loyal, secré à vous servant. »
Et ma dame respondi lors
Page:Froissart - Poésies (1829).djvu/324
Le texte de cette page a été corrigé et est conforme au fac-similé.
308
POÉSIES
