» Qui fist le miréoir à Romme
» Dont estoïent véu li homme
» Qui chevauçoïent environ.
» Se le sens avoie ossi bon
» Que cils que le miréoir fist
» En cesti ci, par Jhesu-Crist !
» En quelconques lieu que g’iroie
» Ma dame apertement veroie. »
Ensi devisoie à par mi.
Dont pluisours fois, par saint Remi !
Prendoie en parlant tel plaisance
Qu’il m’estoit avis, par samblance,
Que je véoie, au dire voir,
Ma dame ens ou mien miréoir.
Tamainte consolation
Me fist l’imagination
Dou miréoir et de la glace
Où ma dame ot miré sa face,
Et le tenoïe moult proçain
Tant de mon coer que de mon sain
Jamais je n’en fuisse senoec,
Que tout dis ne l’euisse avoec
Moi, en quel part que j’estoie ;
Car au regarder m’esbatoie ;
C’estoit mon bien et mon delit.
De quoi il avint qu’en mon lit
J’estoie en une nuit couchiés,
Des pensers d’amours atouchiés,
Sous mon orillier je l’oc mis.
En pensant à ce m’endormis.
Page:Froissart - Poésies (1829).djvu/287
Le texte de cette page a été corrigé et est conforme au fac-similé.
271
DE JEAN FROISSART.
