Que point il n’iront vers le roy :
Trop le criement, et trop est felles
Et a toutes raisons rebelles.
Si se sont sur ce arresté
Et dou cheminer apresté
Pour aler en la grant Bretagne,
Et tiennent a moult tres estragne
Ceste aventure de leur mestre.
Le chemin prendent a senestre
Pour plus eslongier Duvelin.
Quant cilz jours fu venus a fin
Et que li rois vit que ses filz
Li falloit, si fu desconfis
Et dist : « Voir j’ay mon fil perdu.
« Mais que li poet estre avenu,
« Quant de li ne de ses varlès
« N’oy nouvelles ? Ce m’est uns très
« Pesans fais et tres anoieus. » f. 183 c
Adont li rois tres dolereus,
En qui n’avoit que couroucier,
Le fait et bas et hault cerchier,
Et dist bien se son fil ne ra,
Que de duel temprement morra.
ous lairons de ce roy d’Irlande
A parler, et s’on me demande [1]
De li qu’il devint, fin de queste,
Je puis respondre, a la requeste
Des demandans, qu’il s’acouça
Au lit, quant on li prononça
Que on ne pooit retrouver
Son fil, pour venir ne aler.
- ↑ 24879 et s’on me, B et s’on m’en.
