Viers Melyador qui se tient
Tous pourveüs de cel encontre.
Evous que li uns l’autre encontre
Son compagnon par grant randon.
Melyador en abandon
Feri Dagor sus son escu,
Telement qu’il li a fendu ;
Mais la lance vole en tronçons.
Onques n’en perdi les arçons
Messires Dagors, ce saciés,
Car il estoit bien enfourciés
Ou cheval et moult bien seans.
Oultre passa li plus pesans
Et des lances plus n’en porterent
Que les tronçons ; lors les jetterent
Sus l’erbe, et les espées traient.
Or couvient il entre yaus qu’il aient
Bien maniere que d’yaus targier,
Car il viennent sans atargier
Sus l’un l’autre plus que le pas.
Si se fierent ne mies bas,
Mais sus les hÿaumes amont,
Et saciés bien que leur cop font
Moult grandement a ressongnier ;
Car c’est sans noient espargnier
Qu’il s’attaindent, et qu’il se fierent f. 177 b
Et moult asprement se requierent
As espées trencans et nues,
A pointes fortes et agues.
out ensi entre yaus .ii. s’esbatent
Li chevaliers qui se combatent
Et font merveilles de leurs corps.
Saciés que messires Dagors
Estoit chevalereus et prous,
Page:Froissart - Méliador, tome 3.djvu/71
Le texte de cette page a été corrigé et est conforme au fac-similé.
66
Méliador