dessusdits chevaliers en la saison qu’ilz jurerent la queste du Sainct Graal, tant ou livre de maistre Helye, maistre Robert de Borron, maistre Gaultier Moab (sic), le Bret, que de maistre Rusticien de Pise, qui en parlent en leurs livres, la ou sont escriptz les grans faiz de tous les chevaliers de la Table Ronde.
Ce sont les noms, armes et blasons des chevaliers et compaignons de la Table Ronde, au temps que ilz jurerent la queste du Sainct Graal, a Camaloth, le jour de la Penthecouste, et par la vertu divine estoient tous a ce jour assemblés.
Vient ensuite une série de cent soixante-quatorze portraits des « chevaliers ou compaignons de la Table Ronde », envisagés tant au point de vue moral qu’au point de vue physique. Afin de donner une idée de cette partie de l’ouvrage et du style de l’auteur, j’en transcris le chapitre initial, qui est en même temps l’un des plus étendus :
C’est la devise de la forme, meurs et condicions, blason et armes du tres noble et puissant roy Artus, jadiz roy de la Grant Bretaigne.
Les anciennes et vraies hystoires nous racomptent que le roy Artus estoit filz du roy Uterpandragon, qui estoit venu a la couronne de Grant Bretaigne, et trop seroye mauvaiz et paresseux si ne vous descripvoye la forme et meurs de sa personne et blason de ses armes, que j’ay veu et peu cueillir, tant au livre de maistre Robert de Bourro[n]s, qui a traieté principalement ceste hystoire que aussi ou livre de maistre Helyes son frere, au grant livre du Bret et de messire Luces du Glat (sic), et tous ceulx cy qui en ont parlé selon la vraye hystoyre. Le roy Artus estoit moult grant de sa personne, et .i. des grans de sa maison, et estoit bel et droit a merveilles, et les cheveulx moult blons, les yeulx vers et rians, et le nez bien fait selon la forme du visaige. Sanguin estoit de sa droit couleur et si belle que nul ne pouoit mieulx. Les espaules larges, les bras longz, les mains blanches comme neige ; mais moult avoit longz doiz et grossetz. Hault estoit, mais estoit gresle par le cas ; les
