« Ara tout son veu acompli
« Quant celi ara a mari :
« Ce sont coses toutes escrites.
« Alés a li et se li dittes. »
Adont se part Melyador ;
De rechiés est venus encor
A sa serour, et se li compte
Des rois le conseil et le compte.
henonée, qui moult amoit
Agamanor et qui savoit f. 222 c
Assés, par renommée grande
De tous chiaus de Norchombrelande,
Qu’il passoit de proece route,
N’est mie entrée en trop grant doubte
De ces parlers, mes s’en resveille
Et dist : Ou cas qu’on li conseille
A prendre et a mary avoir,
On doit tout clerement savoir
Que ja n’en ira au contraire.
Melyador s’en va retraire
Viers les rois, et si leur recorde
Tout ce ou sa serour s’acorde.
La response oent volentiers.
La fu mandés li chevaliers
Agamanor, qui avant vint.
Saciés que pas ne le couvint
Trop priier de la marchandise,
Mais respont ensi, quant g’i vise,
Et dist : « Tres haute honneur me faites,
« Mi signeur, et moult me parfaites,
« Quant dame de si grant lignie
« Vous metés en ma compagnie,
« Dont moult regracïer vous doy. »
Adont emmenerent li roy
Page:Froissart - Méliador, tome 3.djvu/253
Le texte de cette page a été corrigé et est conforme au fac-similé.
248
Méliador
