Page:Froissart - Méliador, tome 3.djvu/242

Le texte de cette page a été corrigé et est conforme au fac-similé.
237
Méliador

 

Rondel.

29940 De sour toutes riens loyaument
[Je garde] en moy le souvenir [1]
De vous, amys, ou que je soie.
Oubliier je ne le vorrai.

Par le souvenir seulement
29945 Fait de melancolie issir
Mon coer et [en] double sa joie.
De sour toutes, etc.

Et en ce pourpos fermement,
Amis, vivrai sans repentir,
29950 A qui que anoiier en doie.
Aultre de vous je n’amerai ;
De sour toutes, etc.



Apriès ce rondelet chanté,
Une dame de volenté
29955 Lie et jolie oultre mesure,
En laquele Diex et nature
Avoient grant biauté assis,
Canta .i. rondiel, ce m’est vis,
Que li roy volentiers oïrent.
29960 Dou quel rondel se resjoïrent
Tout chevalier, ce fu raisons, f. 220 a
Car il fu amoureus et bons.
Je le vous dirai prestement
Car il me plaisi grandement.

  1. 29941 Je garde, B Ay.