Page:Froissart - Méliador, tome 3.djvu/230

Le texte de cette page a été corrigé et est conforme au fac-similé.
225
Méliador

Et Savare qui est moult fins
Chevaliers, gais et amoureus.
Mais, au voir dire, entre les preus
29530 Deus en y a qui passent route ;
Sus yaus est la huée toute
Des dames, et dou roy Artu,
Et des hiraus qui dient : « U
« Poroit on chevaliers trouver,
29535 « Qui peuissent ensi ouvrer
« En armes que cil doi ont fait ?
« Moult sont hui vaillant et parfait,
« Et moult a en li, au voir dire,
« De proece tout le mains pire. »


29540
Tout ensi fu continués
Cilz tournois, que compter oés,
La plus grant partie dou jour.
En travail, en painne, en suour
Et priès jusc’a la grosse alainne
29545 Se tinrent, c’est cose certainne.
Je ne sçai comment porter porent
Si grant traveil que ce jour orent,
Mais honneurs les y faisoit tendre,
Et ce qu’il voloient entendre
29550 A estre vaillant et nommé
Oultre preu et bien renommé.
Par le conseil dou roy Artu,
Quant on veï que heure fu,
Et c’assés tournoiiet avoient f. 217 a
29555 Cil qui dessus les camps estoient,
On sonna errant la retrette
D’un grant cor. La journée est faite.
As aucuns vint ceste ordenance
Bien a point et moult a plaisance,
29560 Car il estoient si lassé