Et se mettent en bon arroy
Pour venir par devers le roy.
t bien saciés que leur venue
Estoit ja ou chastiel sceüe,
Et en fu li rois enfourmés
Qui dist au senescal : « Alés
« Veoir la hors qui venus est. »
Respont Kex : « Sire, bien me plest. »
Lors est li senescaus venus
A l’ostel, et tous pourveüs
Trueve Saigremor et Dagor.
Pour monter ou chastiel encor
N’estoient il mies parti,
Quant messires Kex, je vous di,
Vint la, qui leur dist en riant :
« Signeur, li rois, saciés en tant,
« Vous envoie voir par moy querre.
« Venés vers li avant c’on serre
« La porte, car on va disner ;
« Et se vous falés au parler
« Au roy, c’est bon c’on le vous die,
« C’au disner vous ne falés mie,
« Car vous perderiés vostre part
« Des glous morsiaus, a venir tart. » f. 189 c
Messires Dagors, qui ja fu
Enfourmés de Kex, li dist : « U,
« Sire, porons le roy trouver ?
« Nous n’avons cure de disner,
« Mais que parler puissons a li.
« Se nous y menés, je vous pri. »
Respont Kex : « J’en sui bien en voie ;
« Venés ent. Veés, on envoie
« Apriès nous, car trop sejournons. »
Kex chemine et a ses talons
Page:Froissart - Méliador, tome 3.djvu/120
Le texte de cette page a été corrigé et est conforme au fac-similé.
115
Méliador