Adonques l’ala la chanter
Floris par tres bonne mesure,
Et Hermondine y met grant cure
A l’oïr et au retenir.
Tant li peut aler et venir
Qu’elle le sceut sans differense,
Et apriès l’aprist, quant g’i pense,
A sa cousine sans sejour.
Ensi se tiennent nuit et jour
En esbanoy et en reviel.
La toute cose de nouviel
Leur vient grandement en plaisance.
C’est droitement li ordenance,
Je le di ensieuant mon sens,
De toutes amoureuses gens.
ous lairons des .ii. damoiselles,
Qui sont toutes frices et belles,
A parler, et nous parlerons
De Melyador, qui est homs
Preus et vaillans en tous estas.
Il chevauce le petit pas
En ce jour que Flori parti.
Tout pensieus estoit, je vous di,
Et li anoia grandement
Au partir dou departement
De ce Flori, que moult amoit
Et que tres volentiers veoit
Dalés li pour l’amour de celle
Qui est dame de sa querelle.
En cel estat chevauciet ont
Ilz et ses escuiers adont
Viers une montagne moult roste f. 185 d
Que on ne poet que d’une coste
Approcier, tant est mal aisieue,
Page:Froissart - Méliador, tome 3.djvu/105
Le texte de cette page a été corrigé et est conforme au fac-similé.
100
Méliador
